之前俾人影快相實會覺得自己都係快咗少少，點解寬限得咁少，搞到又罰錢。

「蘋果日報」得到消息警方將會在本週日起對超速寬減做出調整，警員利用雷射槍測速，一律由3km 改為5km，「白鴿籠」「三腳架」「隱形戰車」就由全部3km，改成3至8km 比舊有寬鬆咗。新測速計發係車速100km或以下，寬減車速維持3km，其後車速愈高，寬減愈多，例如車速為101至130km時，寬減4km；而高於230km時，寬減達8km。變相超速16km，舊寛減下需罰款兼扣3分本，但依家新超速寬減後，被視為超速14km，只需罰款320元，無需扣分。

其實測速誤差有時都會幾大，外國好多地方寬減可以去到10km，今次寬減對車主當然算係一件好事，起碼揾食車無咁易超速搞到扣分停牌，但都唔係鼓吹大家揸快車超速，香港地人多車多都係安全車速最穩陣。