市區錶位幾咁渴市，我相信大家都知。街邊錶位長期俾車房維修，洗車，依家連車行賣車都泊係街做展銷場。

深水埗，大圍覇錶位問題特別嚴重，違泊檢控按年升80%。大家揸車都試過去到多車房內街揾錶位係好難，有時整個雪糕筒係度都唔俾你泊，真係膽粗粗去泊都驚俾人整花部車。

前幾日有報章報導係北角，西貢、九龍城及大埔都發現有車行將條街變成了私家「小型汽車展銷中心」，

大埔一間車行對出的2個「咪錶位」，停泊了兩輛待售私家車，霸佔泊車位。

西貢最嚴重，因為西貢公路有一個30個免費泊車位，好多泊係個度啲車都係出售。

其實長期霸佔免費位係犯法。

據《道路交通條例》，如車輛主要用於展示廣告，而未獲運輸署署長發出的許可證，便屬違法，首次被定罪，可被罰款5千港元及監禁3個月，第2次或隨後再次被定罪，則可被罰款1萬港元及監禁6個月

有時候都明白香港地方細，做整車生意都無辦法先泊係街，但都唔好長期霸佔，警方又成日打擊私家車違例泊車，又唔見去打擊依啲長期俾霸佔車位。

更多其他資訊，按入再睇