上次介紹過去灣仔會展舉行書展，食品展，或剛剛完咗家品展，星期六日可以泊瑞安中心，日泊$110平過會展日泊$200好多。

不過原來會展日泊$200係可以同日日泊時段無限次出入，咁又真係好少日泊場會有依個做法，都方便要時常出入朋友，或行到肚餓揸車出去食個飯再番來。

不過想日泊朋友要注意，會展日泊唔同其他場，八達通入去，如果超過日泊價錢，出閘就會自動計你日泊，會展係要入閘後泊完車1小時內攞入閘八達通咭去繳費處同佢講你要日泊先做到$200日泊優惠。

如果唔係佢只會計你時租泊，咁就會好貴，因為都$26小時，大家要記得。

泊車位都好多同好闊落，所以可以好放心去泊

佢都有月租$3350，但應該都係會展番工朋友先會租。

• 時租$26/小時

• 日泊$200   (00:00 – 23:59 ) 時段內無限次出入(1小時內攞入閘八達通咭去繳費處登記付款)

• 月租$3350

按此 直接Google Map 導航

更多其他資訊，按入再睇