前排去將軍澳單車公園野餐，泊完車係東港城行過去，先發現原來單車公園本身自己都有個停車場，去玩前上網揾咗好耐都無顯示佢有停車場或價錢，泊番公開園停車場真係方便好多，如果泊東港城行過去都要10分鐘。

將軍澳單車公園一個好齊全好大公園，有草地野餐地方，有幾個水池俾人玩搖控船，又有小朋友玩滑梯，最主要有個好大型單車館，前排國際單車比賽都係依度舉行，但因為上次去撞正舉行比賽所以無得入去睇，都唔清楚平日會否開放俾公眾。

但出面個草地野餐一流，非常舒服，就快夏天又可以約朋友或一家大細去野餐。

泊車價錢上次去影唔到相，不過問咗員工，所以我做咗個收費圖俾大家參考。

收費都算正常，比較起泊東港城或附近停車場平均$26/小時都算平，露天場，位都算多，最起碼係近，玩完好攰唔洗再行去攞車

按此 直接Google Map 導航

更多其他資訊，按入再睇