...
之前都有講過6月份起機場連泊狂加價60%，應該會少咗人揸車去機場。
但必定又會有人旅行鍾意揸車去機場，今日介紹依個新推出連泊優惠，一定唔係最方便，但價錢算平，所以都介紹俾大家，起碼到加價後多一個選擇。
今次介紹係東涌逸東商場停車場，領展新推出連泊3日優惠，應該係因為機場加價，想吸引人去泊。
24小時任泊星期一至五$80/1日，星期六日假期$95/1日，如果連泊3日，出閘會減$50，所以最平係$190/3日。例如你去5日旅行，頭3日$190之後再加$160，就係$350泊5日平日價錢，如果中間有星期六日假期就用$95計。佢都有時租，12小時任泊俾大家選擇。（收費價錢睇下面）
但當然大家最主要想知道逸東商場離機場幾遠，點坐車去最方便係坐S52 去到國泰城轉E22或到東涌站轉S1。當然車程最少都要半小時，如果真係咁樣泊，多數都係自己去攞車，再番機場接同行朋友或家人。
依個選擇都比較麻煩，但多個選擇，可能遲下又會有其他停車場因應機場加價推出連泊，會再幫大家揾下有咩更好選擇。
逸東商場停車場收費:
時租:
-
星期一至五-$14/小時
-
星期六日假期-$14/小時
12小時任泊
-
星期一至五-$65
-
星期六日假期-$65
24小時任泊
-
星期一至五-$80
-
星期六日假期-$95
