近期車位價格炒到飛起，偏遠地區都去到100萬，當然因爲辣指後遺症啦。但長遠來講車位數目依然供不應求。根據政府統計，1995年至2015年期間汽車年均增長高達3%，高於家庭住戶的1.7%和人口的0.8%，在好經濟環境下，越來越多人買車。

運輸署數據，截至今年3月私家車數目52.5萬部，連同其他車類數目達73萬部，比10年前增加34%，但係最新車位數目只有69萬個，但未計私人露天車位，但睇數字都知道車位非常不足。政府預測到2041年會有123萬部車，比起依家多一倍，到時候可能周街都泊滿車，警察抄牌都抄到手軟，到時候政府最賺錢部門一定係警察部。

加上新樓盤又偏向蚊型單位，根據規劃署條例細單可建車位數目遠少於大型單位。所以長遠黎計香港車位一定好緊張，不過在經濟低迷時候就未必會增長得咁快啦。