揸車揸開九龍新界，如果揸去港島會覺得有啲路錯綜複雜，本人都少去港島，上次係銅鑼灣都行錯了巴士線都唔知。所以今日就講下港島揸車要小心幾個「陷阱」位。

港島唔少路都只係俾供專營巴士或小巴駛入，如沒許可證，都要繞道而行，唔熟悉港島道路的司機隨時中招。

中環皇后像廣場對出德輔道中東西行線

中環皇后像廣場對出德輔道中東西行線，全日係「專利巴士例外」的禁止車輛駛入路段，西行線的其他車都要轉入銀行街再返到皇后大道中，而東行線其他車輛則需經由遮打道等道路繞過皇后像廣場。

其實依條路成日有司機轉錯入去俾炒牌，個個位成日有警察係度，所以大家都要小心轉錯。

半山區上亞厘畢道連接堅道一段

半山區上亞厘畢道連接堅道一段其實上午7時至下午7時都係「巴士及公共小巴例外」及「持許可證者例外」的禁止駛入路段，其他車輛唔可以係依度駛入堅道，但其實依個位又係好多司機都唔知道，尤其係送貨貨車司機。所大家要記住依個位，好陷阱。

英皇道近清風街至蜆殼街段

英皇道近清風街至蜆殼街段都算陷阱多，主要佢有幾個禁止牌，令到少去個頭司機跟本就反應唔到就駛左入去。個度每個連接英皇道東行線路口，都會有「巴士及公共小巴例外」、「有許可證者不在此限」及「前往此區者不在此限」的路牌。其實咩叫前往止區者不在此限？其實都幾難捉炒牌，因應該個個都會話我係去止區。

依段路除咗巴士、公共小巴、持有許可證或前往毗連街道、樓宇或土地的車輛外，其餘車輛不可駛入上述路段。而「前往此區者不在此限」交通標誌，係指沒有其他代替道路情況下，就可以駛入前往毗連的街道、樓宇或土地。

但係毗連的街係前往清風街、木星街、水星街、蜆殼街樓宇／土地和英皇道停車場的唯一道路，所以如果係去上述路段就可以駛入。

其實都幾難捉炒牌，應該個個都會話係去上述路段。

更多其他資訊，按入再睇