依幾日最多討論除咗特首選舉外，應該都係取消全數電動車首次登記稅。

聽講宣布取消税後Tesla 2日內就賣灑全部可以係3月31日前上到牌現貨車。當中有用家，都有炒家。大家都覺得買咗揸番2年二手賣番走都一定平手或有賺。

其實大家要知道，之前Tesla 增長得咁快主因係免稅，3月31日後部部車賣到過百萬，真係會再有咁多原因吸引用家去買？到時候令到車廠唔再增加配套，或撤出香港，仲會有人買Tesla ?? 當然炒家們梗係馬上轉手賺到盡。

有二手車網賣家登出一部Model X 75D開價130萬，比起原價76萬左右高出50萬。其他型號都提高咗二手賣價。

但原來賣家有可能已經犯法例香港法例第330章《汽車(首次登記稅)條例》4A。任何人如在未獲得運輸署署長同意前，以高於前述所准許的價格出售已登記的汽車，即屬犯罪，一經定罪，可處罰款50萬元及監禁12個月。

根據香港法例第330章《汽車(首次登記稅)條例》的規定，除非事先經由運輸署署長批准，否則登記車主不得以高於汽車的應課稅價值、免稅配件的價值、免稅保養未滿期部份的價值及已繳付的首次登記稅的總和的價格出售在1994年8月1日或以後於香港首次登記的汽車。

買新車有錢賺真係第一次聽，平時新車落地輸少當贏。香港地依家真係咩都可以炒，都係要多謝香港政府幫手。

更多其他資訊，按入再睇