踏入四月，好快又到郊遊行山好時候，今日就介紹下比較熱門但又可以免費泊車好地方，最適合一家大細揸車去行。（如果大家有其他好地點，不妨話我地知，再介紹俾大家）

免費泊車當然都要付出啦，行山旺季就一定要早去，如果唔係都可能要排下隊啦。

第一介紹係北潭涌:

個度車位唔多只有20個左右免費泊車位，如果多人泊唔到可以去附近保良局度假營，當日佢地無活動就會提供日泊俾大家，上年係收$110左右，不過行番出去都有段路。

按此 直接Google Map 導航

第二介紹係大棠

大棠如果係紅葉旺季去，勸你都係唔好揸車，驚你開心去，等到燥咗走人。平時行山季節個度人流還算可以，都係大約有20幾個免費泊車位，無位泊好多人會泊係燒烤場同入口茶餐廳個度，但當然個度係違泊啦，太過份都會有警察上來抄。

按此 直接Google Map 導航

第三介紹係烏蛟騰

依個地方之前都未聽過，但上次朋友帶我去先知都幾好行又少人，個度都係有大約20個左右免費泊車位，通常早去都一定有位。

按此 直接Google Map 導航

暫時介紹住3個地方先，因為我都少行山，只係行過依3個有免費泊車地方，如果大家有其他好地點，不妨話我地知，再介紹俾大家

更多其他資訊，按入再睇