Tesla 現在市值已經超過美國通用汽車，成為全美國最大汽車商，做得全美最大，當然要多啲搞作，多啲車款啦。

嚟緊2017-2018年都話有好多新車款推出，又有平版mode X ，mode 3 ，又有SUV，依家連商用車都做埋，公司行政總裁Elon Musk 日前係Twitter 預告，Tesla 今年9月會推出商業用貨車，型號叫做「Tesla Semi」。到時候會唔會香港連Van 仔都係大mon 電動車？？

上年7月Elon Musk 係Tesla 網站都透露咗，公司有個計劃叫做「秘密大計2.0」，除咗電動車外，又會有貨車，巴士，SUV及農夫車，講預計都會係今年公佈。

而最快面世應該係新款SUV Roadster ，聲稱半年內就會亮相，大家拭目以待。

依家等Tesla 公佈新車，真係有一種等IPhone 公佈新機一樣，都好想快啲知道會有咩新高科技，不過最希望下年財政預算案又可以全免電動車税，咁就真係可以買新車啦！

更多其他Telsa資訊，按入再睇