香港地泊車$10幾蚊算平，$20至$30叫正常價，$50至$60算貴，但如果$100一個鐘，之後再加上去依啲停車場叫做唔想你泊。
今日講下應該係全港最貴日泊停車場大潭陽明山莊，日泊收你$4650，你無睇錯係$4650日泊，唔係月租。
時租佢第一小時$100，第二小時$150，第三小時及之後收$200，所以日泊$4650好正常。$4650泊一日夠我屋企停車場2個月錢。但好出奇竟然有泊車優惠，都只係消費滿$200有得免費2小時。計落條數泊車優惠好抵，唔買野泊2個鐘都$350啦，依家等於買$200野送$350俾你。但我估無人會山長水遠揸車去個度買野。
通常去得都係參加婚禮，好多人會選擇係個度擺酒。睇完依個價錢表，真係好驚訝，唔知有冇朋友真係泊過呢？
