大家去大型屋園私家路都會見到違泊會俾鎖車，常見應該係黃埔花園，沙田第一城。

其中沙田第一城俾稱為鎖車城，點解呢？？原來係第一城亂泊，鎖車速度快到你唔信，有司機試過落車5分鐘就俾鎖，網上有流傳有司機落車1分鐘就俾鎖，就連送外賣車都唔放過照鎖，咁就成為$320解鎖費。

亂泊當然唔啱，又寫到明會鎖車，但鎖車人員工作效率又真係好高，鎖一部車只要1分，絕對冇情講。

又想知點解佢地效率咁高？？平時自己屋苑管理員又唔見咁就效率。

原來第一城聘請咗2間鎖車公司幫手管理鎖車，所收得鎖車費有3分2，即係$200會俾管理鎖車公司，唔怪得鎖車員效率咁高又冇情講啦，原來要交數，再加上佢地有小隊不停巡邏，所以好難唔俾鎖車。

2014鎖車公司加入後，第一城鎖車量就升咗幾倍，2014年4353部，2015年3831部，2016年3372部，短短3年間就袋370萬。

其實第一城都有時租停車場，但停車場又從1年前$15/小時加到$20/小時。雖然加幅超過30%，但睇完全港最快鎖車城鎖車報導後，真係去個廁所2分鐘都寧願俾$20泊1小時。唔好搏呀，真係好快手。

更多其他資訊，按入再睇