深井豪景花園發展商近日再拆售車位定價50萬。原來2013年發展商都拆售過車位，但令投資者變晒蟹民，唔知今次會點呢？？

2013年發展商當時拆售600個車位，售價35萬，全屋苑有2800個住宅單位，車位數量有2700個，比例接近1比1，雖然車位可以租俾非屋苑住戶，但停車場空置率高達8成，所以出現最平車位租金$450，扣除管理費及雜費大約$200，實收$250，收租回報不足1厘。當時真係「炒唔起，租唔出，蟹貨一籮籮」。

(2013年報導)

但經過幾年時間，豪景花園車位跟隨大市復活啦。

依家豪景車位叫租由$1500至$2100，當時35萬買入車位，事隔四年，回報已升近7厘，升幅4.5倍。

炒賣豪景車位也都活躍起來，有投資者2016年9月32萬買入車位，持貨1個月都賺4萬，以36萬沽出。

所以話死場都炒得起，可見車位依家炒到幾高位。

更多其他資訊，按入再睇