青嶼幹線自從1997年通車至今都係實施單向收費，向機場迪士尼方向唔洗俾錢，出市區先一次過付雙倍費用。

但因為配合港珠澳大橋預計今年底通車，8月20日起揸車經青嶼幹線往大嶼山方向，可經港珠澳大橋駕駛出境外到大陸，但番香港時又可以行其口岸，不經青嶼幹線，所以就要實施逐次收費，避免收唔到錢。

今日一睇到新聞，以為改做雙向後，每次都收$30，原來平時都係收咗來回，單程只係$15，感覺上大欖隧道收$44單程真係好貴。

坐的士附加費金額就不變，依家坐的士經青嶼幹線需要支付$30附加費，包括等一程幹線收費，及的士空車回程的另一次收費，即每程$15，但改變單向收費後，的士依然會收取$30附加費。

之前已經要配合大陸行車，將港珠澳大橋行車安排改為「右上左落」。

依家又要將收費方式改為雙向收費，雖然睇完都覺得冇咩影響，但細心想下，單向收費一定要增加收錢員工，又要係其他地方加入新收費亭，增加支出，到時候可能青嶼幹線又會加價啦。

更多其他資訊，按入再睇