琴日先講完有幾個青衣屋苑最新車位成交都打破屋苑最高位。又顯示4月份車位新註冊增加，都因為新界區帶動，都有講青衣車位短期內應會再破頂。

點知1日後青衣盈翠半島車位，唔只係打破屋苑最高成交，更加打破全個青衣區最貴成交。

盈翠半島車位今次獲用家以219萬承接，打破上月205萬成交最高價車位，只做咗1個月車位皇就俾打破，新車位皇更將價格推高14萬，睇下幾時又來破頂。

原業主1999年以45萬買入車位，帳面賺超過170萬，現同樣車位叫租$4500左右，以新買價計，回報只有2.5厘。

更多其他資訊，按入再睇