政府加樓市辣招行，車位俾一一炒起，差不多每個月都有破屋苑最高，破同區最高成交，炒到市區車位同一層上車盤差不多價錢，搞到好多朋友都想買個車位投資下。今日就想講下買車位投資你再起碼要知的4大注意事項。

1)大廈公契限制

唔好人買你又買，大廈公邗契會註明，車位是否只可以賣俾大廈業主，亦會寫明可否租給非屋苑住戶，有啲屋苑只可以租俾住戶。真係有人試過俾灑訂買車位投資租放租先知道唔可以租俾非屋苑住戶，搞到要撻訂，因為放租時客路狹窄，影響租值。

2)首期及按揭成本較高

車位同工商舖物業一樣，銀行只能承造40%按揭，要俾60%首期。

舉例一個120萬的車位，首期就要72萬，現時租金回報跌至大約2.5至3.5厘左右。再加上車位的按揭利率較高，由2.4%至4%不等，但因為好多銀行都注意到車位賣買熾熱，所以都推出咗低息計劃，所以記得每間銀行去問清楚，分分鐘供款都會差好遠。供款年期就較短，一般只有15年。

3)車位位置

通常買車位，都會睇下個位係唔係靚位，香港好多鍚車朋友，平時泊車都會好小心選擇停車位，所以買車位投資租俾人，一定要留意清楚，係唔係近出入口，車位闊度，夠唔夠泊大車，如果夠闊又可以租俾揸大7人車朋友，真係有啲位細到只可以泊細車，放租時客路就會狹窄，賣盤時價錢都會低啲。

仲要注意轉彎位、有冇柱位，露天還是室內，天花上的水管怕漏水到車等等，都會有影響車位日後租售價錢。

4)車位升值潛力

車位升值潛力注要睇同區屋苑車位數量比例，有啲屋苑車位數量1比1全部用戶都有自己車位，投資放租價值就會低好多，依家好多新樓車位數量都會好少，幾十戶先爭一個車位，附近屋苑車位租值一定會上升。所以投資前一定要做足功課，依家車位又俾炒到好貴，更加要小心選擇，睇下邊區低水又少車位供應。

更多其他資訊，按入再睇