車炒風熾熱，曾經係車位蝕讓重災區深井豪景花園，近排都越來越多賣買消息。

繼之前發展商拆售一批車位後，近日就有一名個人投資者一次過大手掃入10個豪景花園車位，涉資大約460萬。再以274萬買入4個同區碧堤半島車位，一共涉及700萬，可以話近期深井少見大手掃貨。

 

可能因為豪景花園車位入場費依然係大約50萬留下，再加上2012年勁多坐艇賣盤，吸引咗一班炒家買入追落後。

坐艇盤都開始賺錢，更加有短炒獲利消息，有一名投資者上年10月以32.5萬入市，持貨4個月升3成，以42.8萬賣出。

入場費底依然係豪景花園吸引投資之處，不過再過多幾個月就未必再會有50萬以下車位。依家炒賣車位都風高浪急，想入市都要小心。

更多其他資訊，按入再睇