...
之前有報導過競爭事務委員會會係4月尾或5月頭對香港油公司有否「合謀定價」作出報告，睇下到底有否構成反競爭行為。但大家睇完會非常失望，更加會覺得「有冇搞錯！」香港政府點做野。
報告5月4日公布，在香港車用燃油市場研究報告指出，香港油公司並沒有「合謀定價」所以都不構成反競爭行為。指出現在油價偏高及油公司定價一致現象，只係當中有公司調整價格後，其他公司好快跟隨調整，咁樣算係「平行定價」唔算「合謀定價」。講得出依個「平行定價」其實都唔洗推出咩反競爭法啦，只要大家前後腳調整價格就無事。
在「加快減慢」指控中，竟然競委會講得出話顯示油價與入口價調整大致一樣。真係好想知佢地邊隻眼睇到係一致？？
是但上網揾幅圖都睇到香港油價係加快，減得勁慢啦！
其他國家都有得選擇入平油，但香港係全球唯一只提供單一類汽油產品「98辛烷值汽油」。好多其他地區都有得選擇入較便宜的「95辛烷值汽油」，其實使用時分別只係好少，但價錢上就差好遠。再加上香港每間油公司都推出不同減油價優惠，信用卡入油優惠，折扣方式複雜欠透明度，每次入油都要計餐飽先知自己平咗幾多，依個做法都只有香港油公司先有。
