繼之前保險公司推出用app 記錄每日運動量，每日做夠運動下年續保就會有折。

相同原理依家用係車保上，某間保險公司推出用app記錄駕駛者駕駛態度，用作下第二年保費回贈。

個app 會記錄到駕駛者轉彎技巧，車速等等40幾個駕駛習慣，因為個app 有GPS 會記錄大家在當前道路行駛有冇超速，例如行50Km ，你行55km已經會俾扣分，每程車都會自動俾分，如果一年平均分達到95分以上，下年保費有NCB 外會再有30%回贈。

保險公司公布自去年10月推出後，超過7000人下載app，有90%人獲得合格分數，只要你合格51分都會有15%回贈，數據又顯示每到星期日或假期，駕駛者平均分數都會特別低，可能因為放鬆心情所以揸車都快咗，所以話香港去星期日假期揸車特別要小心。

用app扣減保費都幾好，好似打機俾分數，當低分起碼會令到駕駛者知道自己有問題而作出改善，個個遵守規則當然會減少交通意外，對大家都好。如果大家有興趣就上網睇下邊間保險公司有依個計劃啦。

一般NCB認識

無索償折扣（No Claim Bonus），簡稱NCB或NCD（No Claim Discount），只要投保人於投保一年內無向保險公司索賠，續保就會有NCB，鼓勵大家安全駕駛。

投保人於投保期內沒有任何索償紀錄，續保時會由20%按年遞增，直至最高60%。如每年投保期內都沒有索償，最快第5年就會有最高60%NCB。若投保人中途提出索償，下年續保時有可能被扣除部份或全部NCB。
第一次購買車保人士不會有NCB優惠。

更多其他資訊，按入再睇