銅鑼灣崇光門口巴士站違泊問題一直都非常嚴重，所以早前運輸署建議軒尼詩道一段禁區位置將延長至午夜12時。

之前有做過諮詢，結果有85%人士支持延長禁區時間。其實依個位置平時都好多巴士要入站，但經常俾的士塞住，所以搞到後面大塞車，所以今次行動真係主要針對的士違例停車等客。

依家崇光外一段軒尼詩道禁區時間係從朝7至晚8，下星期五起禁區時間就改為朝7至晚12不准停車限制區，軒尼詩道電業城外實施朝8至晚10，下午5時至8時不准停車限制區。

所以大家記得留意番禁區時間，唔好亂停俾抄牌啦，亦都希望咁做可以減少個頭塞車情況。

更多其他資訊，按入再睇