...
香港揸車難揾位,應該係人都知,尤其係假期,真係可以等泊車都要成個鐘。
但實質少成點你又知唔知??過去10年私家車數目不斷增加,由2006年大約40萬部,到2016年增至58萬部,升幅達到45%。但泊車位只係由2006年約60萬個增至2016年66萬個,升幅只有9%。
因為大家屋企要泊車,出街番工去目的地又要泊車,所以正常計法應該係每部車有多於1個車位使用,先叫做足夠。但依家只有66萬個,可以見到真係嚴重不足。
(假期商場等泊車問題非常嚴重)
(通宵排隊申請月租車位)
好多車主屋苑無車位只可以去泊爛地停車場,其實爛地場只係政府批出來做短期租約,現時香港有185個租約爛地場,提供大約3.2萬個車位,但未來幾年陸續有大約40個場政府需要收返來發展,又會少大約8500個車位,5月份又有中環美利道多層停車場停用涉及車位286個,真係未解決泊車問題,仲要拆停車場,車位緊絕問題會越嚟越嚴重。
(中環美利道多層停車場5月已經停用)