美利道停車場前二日正式俾恒地以歷史最貴官地233億奪得，平均呎價$5萬，真係貴絕中環，咁好價唔怪之得要拆咗佢啦，做停車場賺得幾多。

但中環原本停車位已經非常少依家再少咗接近400個位，令到同區車位更加緊張，亦都令附近月租車位瘋狂加價。美國銀行中心一個月租車位，到期後業主加租由$7000加到$13000真係誇張，依個價錢可以租到400呎住宅單位。美國銀行中心3樓和4樓停車場一共有200個位，由唔同業主持有，睇番記錄，2011年最高成交價$165萬月租$500，到今年成交價升至$300萬，月租$13000，真係升幅驚人。

 

(依家落中環最多見到就係「時租已滿」)

附近夏慤花園停車場最高月租$6000，比起2011年升15%。大會堂政府停車場算係全中環最平月租$4200。現時中環平均時租車位平均係$25-$35小時，但因為少咗成400個車位，依家落中環泊車都成日見到排長龍，所以部分停車場應該會加價。

(排隊，塞爆！)

車主們都話政府拆停車場做法離地，完全唔理少咗車位會推高租金令到車主捱貴租，但政府回覆因爲中環擁有優良及覆蓋廣泛的公共交通服務，鼓勵私家車駕駛人士可考慮使用公共交通工具。到底係鼓勵用公共交通？？定係個停車場位置太好價所以要賣呀？？

更多其他資訊，按入再睇