...
旺角應該大家都經常去,揸車去又難揾位,泊車又貴。反而旺角幾個商場泊車優惠都算唔錯,包括朗豪坊,新世紀及栢裕商業中心。
栢裕商業中心泊車優惠可以話係全旺角最抵泊,之前其實新世紀個泊車優惠最好,可以最多泊成5小時,不過前幾個月開始改咗,依家最多都係3小時,仲要係夜晚食飯時間人車先有最多3小時,平時最多都係2小時。(如果想知道更多新世紀泊車優惠詳情,可以睇我地泊車優惠)栢裕中心就無論咩日子,最多都有3小時,只係假期消費要多啲。再加上佢可以係3個唔同商場夾單消費都得,包括雅蘭中心,荷李活商業中心及家樂坊。
如果係3個商場內食飯就可以額外多1小時,但大家留意佢最多都係得3小時免費泊車,如果你消費已經夠3小時優惠,但又有食飯單都唔會再有多1小時優惠。(之前都有好多人中過招)唔好再以為有4小時免費泊車啦。
栢裕商業中心泊車優惠:
(雅蘭中心,荷李活商業中心及家樂坊消費,不用電子消費單,全日最多3小時免費泊車)
星期一至五
-
消費滿$300免費2小時
-
消費滿$500免費3小時
(食肆滿$100額外多1小時)
<所以當你消費夠2小時泊車優惠,再加$100食飯單就有3小時。或直接食飯滿$300都已經有3小時,唔洗再消費買野>
星期六日及公眾假期
-
消費滿$400免費2小時
-
消費滿$600免費2小時