回帶2月份「財政預算案」公佈大減電動車首次登記優惠，生效日子定在4月份，令到中間有1個月時間俾大家趕尾班車，政府一直唔擔心中間依段時間會引起買車潮，但事實證明1個月時間吸引了多達3200部電動車作首車登記，避税高達26億，數量更加係2015年全年總和，令到3月份私家車首次登記量比去年同期急增一倍。

今年2月22日公佈至3月31日期間登記咗3200部電動車，其中有3171架係Tesla 電動車。數據顯示當中有一位非個別人士車主，合共登記了510部，Tesla 包括model X 及model S 電動車。慳税接近5.3億。

原來Tesla 自己都有大手購入自己品牌電動車，指出係公司營運上安排，應該用來做二手車出售，減少優惠後Tesla 銷量一定大受打擊，如果自己都買入一批優惠車，二手再賣出一定都會吸引到趕唔切尾班車車主。

更多其他資訊，按入再睇