...
前排大家先趕完Teala 個班電動車，點知來到2017年10月又要趕買柴油車。原因係政府收緊新登記柴油私家車的排放標準，由歐盟6期改為加利福尼亞廢氣排放標準LEV III，現時無一間車廠柴油車符合新標準，變相實施柴油車禁買令。
買柴油車唔洗講一定係因為入油平，有油咭就可以減到$5.x，平均油耗只係$0.4.左右，所以柴油車由2012年3月2271架，升至今年8273架，環保署今年通過修例，10月1日起收緊新登記柴油私家車排放標準，由歐盟6期收緊至LEV III。解釋本港路邊二氧化氮濃度偏高，柴油私家車排放的氮氧化物及可吸入懸浮粒子一般遠高於汽油私家車，新標準更有效管制廢氣排放。
仲有3個月就會生效，好多人都去趕尾班車，同上次Tesla 尾班車一樣熱鬧。但車廠都覺得新措施太嚴厲，例如寶馬現時7款柴油私家車沒有一款符合LEV III。
